source of image: http://orig00.deviantart.net/dc90/f/2014/236/3/a/lion_warrior__wolf_guardian_and_fox_hunter_by_kazenoincubus-d7wg9ho.png
source of image: http://orig00.deviantart.net/dc90/f/2014/236/3/a/lion_warrior__wolf_guardian_and_fox_hunter_by_kazenoincubus-d7wg9ho.png

وايي  چي  يوه  ورځ  زمری،  شرمښ  او  ګيدړه  يو  ځای  په  ښکار  ووتل،  يو  خر،  يوه  هوسۍ  او  يوه  سوی  يې  ښکار  کړل .  زمري  شرمښ  ته  مخ  راواړاوه  چي ” دا  ښکار  ووېشه”! 

شرمښ  وويل : ” خر  يې  ستاسي،  هوسۍ  يې  زما  او  سوی  يې  د  ګيدړي،  دا  سم  تقسيم ( وېش ) دئ ”. 

ده  چي  دا  وېش  وکړ  نو  د زمري  طبعت  خراب  سو،  پر  ده  يې  ور  ټوپ  کړه  سترګي  يې  په  پنجو  ورڅخه  وايستې .  ګيدړه  پوه  سوه  چي  زمري  ته  خو  ډېر  درد  ورغلئ  دئ . نو  شرمښ  ته  لګيا  سوه : ”خدای  دي  خوار  کړه  داسي  وېش  څوک  کوي  لکه  تا  چي  وکړ”؟

بيا  زمري  ګيدړي  ته  وويل  چي : ” ته  يې  ووېشه ”!

هغې  وويل : ” ښه  دا  خو  اسانه  کار  دئ .  خر  به  سبايي  وخورې،  هوسۍ  به  بېګاه  ته  وساتې  او  په  سوی  به  غاښونه  تاوده  کړې .»

زمري  وويل : ” دا  وېش  دي  له  چا  نه  زده  کړ”؟

 هغې  وويل : ” د  شرمښ  د  سترګو څخه ”.

 

 ترتيب کوونکی :  عبدالعلي رسولزاده

منبع: www.pashto.se ، د ۲۰۱۷ کال د فبرورۍ لومړۍ نېټه

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.