source of image: http://bit.ly/2mXqk0e
source of image: http://bit.ly/2mXqk0e

 

 

څلور دي کال کي موسمونه

هر يو جلا لري خوندونه

لنډي سي شپې ورځي اوږدې سي

په دوبي ټول خولې خولې سي

له اوبو ډک چي يخ منګی وي

په دوبي يخ د چا زړګی وي

چي دوبی ولاړ سي، راسي منی

په وچو پاڼو ډک سي کلی

زنګوي وني تېز بادونه

ور رژوي يې وچ بلګونه

بيا ژمی راسي شپې اوږدې سي

ورځي سي لنډي او سړې سي

واوره اوريږي يا يخيان وي

پر صندلي راټول کوچنيان وي

بيا پسرلی سي وني شنې سي

په شنو وښو مځکي ښايستې سي

چيچيان راوزي له هګيو

چو چو کوي له ځالګيو

څلور دي کال کي موسمونه

هر يو جلا لري خوندونه

 

احمدولي اڅکزی، د ۲۰۱۶م کال د جنورۍ ۱۶مه نېټه

 

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.